/2021.11.16/: Өнөөдөр цахим орчинд өсвөр насны хүүхдүүд нэгнийхээ биед халдаж байгаа бичлэг тархсан юм. Тухайн хэргийг ЦЕГ-аас шалгаж хэрэгт холбогдогч нарыг илрүүлсэн байна.

Уг үйл явдал Баянзүрх дүүргийн 15 дугаар хороо дөрөвдүгээр байрны гадна талбайд гурав хоногийн өмнө буюу 2021 оны арваннэгдүгээр сарын 13-ны өдөр болжээ.

84 дүгээр сургуулийн ахлах ангийн сурагчийг өөр сургуулийн аравдугаар ангийн сурагч О, Н, Тэ, Т, Т нар бүлэглэн зодож, уг үйл явдлыг сурагч Э гэгч гар утсаараа бичлэг хийн цахим орчинд цацсан юм.

Уг асуудлыг БЗД-ийн цагдаагийн хэлтэст шалгах явц үргэлжилж байна.