/2021.11.10/: Нэгдүгээр сарын 6-ны өдөр АНУ-ын Капитол дахь үймээнд оролцсон хэргээр эрүүгийн хэрэгт татагдсан америк иргэн Беларусаас орогнол хүсч байна гэж тус улсын төрийн телевиз даваа гарагт мэдээлсэн нь Беларусь болон АНУ-ын хооронд байдал хурцдмал байдалд орохоор байна.
Калифорнийн 48 настай Эван Нейманн нэгдүгээр сарын 6-ны өдөр АНУ-ын Капитолын цагдааг доромжилж, хашгирч, нүүрэндээ хийн маск зүүж, нэг офицерыг заналхийлсэн бөгөөд цагдаа нар цугласан олны хөлд дарагдана гэж АНУ-ын прокурорууд мэдэгджээ.
Гэвч Нейманн “Беларусь1” улсын телевизийн сувагт өгсөн ярилцлагадаа түүнийг улс төрийн хэлмэгдүүлэлтэд өртөж байна гэж үзэн халдлага хийсэн, цагдаагын үйл ажиллагаанд саад учруулсан хэмээн түүнийг буруутгаж байгаа бүхнийг няцаажээ.
"Би өөрийгөө ямар нэгэн гэмт хэрэг үйлдсэн гэж бодохгүй байна" гэж Нейманн Беларусь 1-д өгсөн ярилцлагадаа хэлсэн байна. “Буруутгаж ял төлөвлөж байгаа хэргүүдээс нэг нь маш доромжилсон шинжтэй байна; Энэ нь намайг цагдаагийн ажилтныг цохисон гэсэн. Тийм ямар ч үндэслэл байхгүй."
Ерөнхийлөгч асан Дональд Трампыг дэмжигч олон зуун хүн 2020 оны ерөнхийлөгчийн сонгуульд Жо Байденыг ялсныг баталгаажуулах ажиллагааг хойшлуулахыг Конгрессоос шаардахын тулд нэгдүгээр сарын 6-нд АНУ-ын Капитол руу дайран оржээ. Энэ үйл явдал АНУ-ын улс төр дэх Бүгд найрамдахчууд болон Ардчилсан намынхны хооронд маргаантай хуваагдал болсоор байна.
Ардчилсан нам тэргүүтэй АНУ-ын Төлөөлөгчдийн танхимын тусгай хороо Трамп болон түүний Бүгд найрамдах намын холбоотнууд химийн шүршигч, гар хийцийн зэвсэг ашиглан танхайрагчдыг өдөөн турхирсан гэх хэргийг шалгаж байгаа ажээ. Цагдаагийнхан нулимс асгаруулагч хий цацаж, үймээн самуун дэгдээсэн байна. Гуравдугаар сард Нейманныг баривчлах тушаал гаргасан тухай Холбооны мөрдөх товчоо мэдээлсэн ба нэгдүгээр сарын 6-нд болсон жагсаалд оролцсоныхоо төлөө 650 гаруй хүнийг буруутгасан байна.
Беларусь 1 суваг Ням гарагт Неймантай хийсэн ярилцлагынхаа хэсгийг сурталчилж, Лхагва гарагт бүрэн хувилбарыг нь цацна гэдгээ мэдэгдэв.
Ал-Жазира сувгаар шүүхээр хянасан баримт бичгийн дагуу Трампыг дэмжигч, үймээн дэгдээгчид хамгаалалтанд гарсан байсан цагдаагийн офицеруудын эсрэг хүч хэрэглэхийг оролдох үед Нейманн "Америкийг дахин агуу болгоё" гэсэн улаан малгай өмсөн цагдаагийн хамгаалалтын урд зогсож байсан гэж Холбооны мөрдөх товчоо үзэж байна.
"Би үхэхэд бэлэн байна, харин чи?" хэмээн Нейманы цагдаад хэлсэн үгийг шүүхэд прокурор иш татсан байна.
Вашингтон хотын цагдаагийн газрын камерын бичлэгт Нейманн болон бусад хүмүүс хоёр офицерийг нударгаараа цохиж, дараа нь тэднийг хаалтаар хэрэглэхээс өмнө цугласан олон руу түлхэхийг оролдож байгааг нь бичигджээ.
Нейман Беларусь 1-д өгсөн ярилцлагадаа түүний зургийг Холбооны мөрдөх товчооны хамгийн их эрэн сурвалжлагдаж буй хүмүүсийн жагсаалтад нэмж оруулсны дараа тэрээр бизнес аяллын шугамаар АНУ-ыг орхин явсан байна. Гар цүнхний үйлдвэрлэл эрхэлдэг Нейман гуравдугаар сард Итали, дараа нь Швейцарь, Герман, Польш орноор аялж яваад тэрээр Украинд ирээд хэдэн сарыг өнгөрөөсөн байна.
Тэрээр Украины аюулгүй байдлын албаныхны ажиглалтыг анзаарсны дараа хөрш Беларусь руу хууль бусаар нэвтрэхээр шийдсэн гэжээ. “Аймшигтай. Энэ бол улс төрийн хавчлага” гэж Нейман телевизийн ярилцлагадаа хэлжээ.
Беларусийн хилчид америк эрийг наймдугаар сарын дундуур Беларусь руу нэвтрэхийг завдаж, орогнол хүсэх үед нь саатуулжээ. Беларусь АНУ-тай ялтан шилжүүлэх гэрээ байгуулаагүй юм байна.
Беларусь дахь АНУ-ын Элчин сайдын яамнаас тайлбар авах хүсэлтээс татгалзсан аж. АНУ-ын Хууль зүйн яамны албан тушаалтан хэлэхдээ, "гадаадын засгийн газруудад баривчлах хүсэлт байгаа эсвэл байхгүй байгаа" талаар тайлбар өгөхгүй гэжээ.
Беларусь 1-ийн сурвалжлагч ярилцлагын товч өмнөх үгэндээ Нейманыг "ямар нэгэн зүйл" үлгэрийн мэт эрх чөлөө, боломжийн орноос зугтахад хүргэсэн" гэж хэлсэн нь Беларусийн эсрэг олон удаагийн хориг арга хэмжээ авсан АНУ-ын эсрэг илт зэвүүцсэн явдал болж байна.
2020 оны наймдугаар сард болсон ерөнхийлөгчийн сонгуулиар авторитар засаглалтай ерөнхийлөгч Александр Лукашенког зургаа дахь удаагаа сонгогдсоны дараа сонгууль болон эрх баригчидыг сөрөг хүчин болон барууныхан хуурамч гэж буруушааж, Беларусь улсад олон сар үргэлжилсэн эсэргүүцлийн жагсаал өрнөсөн юм.
Лукашенкогийн засгийн газар жагсагчдын эсрэг хүчирхийллийн ажиллагаа явуулж, 35,000 гаруй хүнийг баривчилж, олон мянган хүнийг зодсон байна. Энэхүү арга хэмжээ нь олон улсын дургүйцлийг төрүүлсэн.
Эх сурвалж: aljazeera.com
