/2021.10.15/ "Би замдаа өөрийнхөө тухай маш олон үнэнийг олж мэдсэн. Би хаясан олон давхаргуудаа ахин олж авсан. Мөн эрүүл сэтгэлгээгээр удирдуулж, эцэст нь жинхэнэ өөрийгөө олсон юм шиг санагдсан. Би амьдралдаа хэзээ ч ийм амар амгаланг мэдэрч байсангүй... Зүрх хаана байна тэнд гэр байх болно" хэмээн аравдугаар сарын 13-нд дуучин Адель өөрийн твиттэр хуудаснаа жиргэжээ.

Удаан хугацааны ПР, кампанит ажлын дараа Аделийн зургаан жилийн дараа хийсэн анхны шинэ дуугаа дэлхий дахинаа гаргалаа.

Энэ нь түүний "30" нэртэй "салах цомог"-ийн анхны үзэгдэл байсан юм. Мэдээж шинэ цомог нь түүний 19, 21, 25 цомгуудын амжилтын үргэлжлэл байх нь дамжиггүй.

Easy On Me дуунд тэрээр 2019 онд нөхрөөсөө салсан талаараа түүний хүүд тайлбарлахыг хичээсэн шиг санагдах юм.

Дууны үгэнд "Би та хоёрыг хоёуланг нь хамгийн түрүүнээ тавих гэж байсан. Гэвч одоо би бууж өгч байна" гэж тэр дуулдаг.

Аделийн хоолой харамслаар дүүрэн боловч шийдэмгий.

Найруулагч Xavier Dolan хар, цагаанаас бүтэн өнгө рүү шилжих мөчийг сонгожээ. Энэ бол өөрийгөө бүхэлд нь өөрийгөө буруутгах шаардлагагүй гэдгээ ухаарч, бүхэл бүтэн ертөнцийг нураасан эмэгтэйн дуу юм.

Эх сурвалж: BBC