/2021.09.27/ Токио 2021 олимпын наадмаас медаль хүртсэн, тамирчдыг шүүсэн, улсаа төлөөлөн оролцсон, тамирчдын хувцасыг урласан хүмүүст Засгийн газар батламж, мөнгөн урамшуулал олголоо. Энэ үеэр паралимпын powerlifting-ийн хэвтээ шахалтын -107 кг жинд алтан медаль хүртсэн Э.Содномпилжээ үг хэллээ.

Э.Содномпилжээ: "Спортын салбар босоо байгаа тогтолцооны хүчинд олон тамирчин олимп, паралимпын эрхийг авсан. Тэд бэлтгэлээ сайтар базааж, мөн олимпод дасгалжуулагч явсан. Та бүгдийнхээ итгэлийг алдахгүй хичээнэ. Цар тахлын хэцүү цагт байнга тамирчдаа дэмжсэн, БТСУХ-ны хамт олондоо баярлалаа."

Түүний олимпын наадамд оролцож алтан медаль хүртсэн амжилтыг 120 сая төгрөг, гурван өрөө байраар урамшуулсан юм.