/2021.09.17/ Моноклональ вирусыг саармагжуулах эсрэг биеийн бүлгийн бэлдмэлийг Москвад коронавирусын эмчилгээнд ашиглаж эхэлжээ. Эхний ээлжинд шинэ эмчилгээг Ковид-19 халдвараар өвдсөн жирэмсэн эмэгтэйчүүдийг эмчлэхэд ашиглана гэж Москва хотын захирагч, захиргааны албан ёсны хуудсаар дамжуулан мэдээлжээ.
"Эмнэлгийн комиссын дүгнэлтийн дагуу жирэмсэн үедээ Ковид-19 халдвараар өвдсөн эмэгтэйчүүдийг эмчлэхэд моноклональ вирусыг саармагжуулсан эсрэгбиеийн бүлгийн эмийг хэрэглэх боломжтой. Өнөөдрийг хүртэл Москва хотод 70 гаруй өвчтөн энэ эмчилгээнд хамрагдаад байна.
Энэхүү бэлдмэлийг хэрэглэх үед ямар нэгэн гаж нөлөө бүртгэгдээгүй, харин вирусыг хурдан саармагжуулсанаар өвчтөний биеийн байдал сайжирж байна. Одоогийн байдлаар энэ эмчилгээг АНУ, Франц, Герман, Итали болон бусад орнуудад амжилттай хэрэглэж байна.
Моноклональ вирусыг саармагжуулах эсрэг биеийн бүлгийн эмийг дэлхийн өнцөг булан бүрт өвчний хүнд хэлбэрийн эрсдэлтэй Ковид-19 өвчний эхний шатанд эмчлэхэд ашигладаг болохыг тэмдэглэжээ.
"Жирэмсэн үед эмэгтэйчүүд бие махбодийн өөрчлөлтөөс болж амьсгалын замын вирусын халдвар авах магадлал өндөр байдаг гэдгийг мэргэжилтнүүд тэмдэглэж байна. Үүний зэрэгцээ тэд хүнд хэлбэрийн ARVI болон COVID-19-ийн эрсдэлд ордог" гэжээ.
Тавдугаар сард хоол хүнс болон эмийн чанарыг хяналтын алба насанд хүрэгчид болон өсвөр насныханд коронавирусын эхний үе шатыг эмчлэхэд рекомбинант моноклональ эсрэг биеийг яаралтай ашиглахыг зөвшөөрсөн. Европын эмийн агентлаг мөн шинжлэх ухааны эерэг дүгнэлт гаргажээ. Харин ОХУ-ын Эрүүл мэндийн яам энэ бүлгийн эмийг түр хугацаагаар эргэлтэд оруулах, импортлохыг зөвшөөрөв.
Эх сурвалж: Тасс
