/2023.04.17/: Чингэлтэй дүүргийн 117 дугаар сургуульд боловсролын цахим шилжилтийг иж бүрэн байдлаар туршив.
Туршилтын хүрээнд:
- Интернэтийн дэд бүтцийн холболтыг сайжруулснаар сургуульд шаардлага хангасан хурдтай интернэт орчин бий болов.
- Ухаалаг анги тохижуулж сурагч бүр notebook ашиглах боломжтой болсон. Тухайн сурагчийн ашиглаж байгаа notebook ухаалаг самбартай холбогдсон учир багш самбарын тусламжтайгаар сурагч нэг бүрийн хичээлийн явцад хяналт тавих боломжтой.
- Сурагчид цахим платформууд дээр ажиллахад гар утастай эсэхээс хамаараад бэрхшээл үүсдэг байсан бол энэ асуудлыг ухаалаг ангитай болсноор шийдвэрлэж байгаа юм.
- Сурагчид ухаалаг ангиас туршилтаар хэрэгжиж байгаа Pearson /англи хэл/, Eduten /математик/, Medle /цахим сургууль/, Suraad /Математик/-ийн хичээлдээ хамрагдаж байна.
- Дээрх цахим платформууд нь бэлэн хичээл, контентуудтай учир багшийн хичээлдээ бэлдэх ажлын ачааллыг 30 орчим хувиар бууруулж байна.
- Pearson, Eduten, Medle, Suraad зэрэг платформ нь сурагч нэг бүрийг үнэлдэг учир эцэг эх, асран хамгаалагчид хүүхдийнхээ бодит үнэлгээтэй танилцах боломжтой.
- Цахим шилжилтийн хүрээнд ухаалаг ангиудыг сургууль бүрд байгуулснаар багш нар мэдлэг, ур чадвараа сайжруулах модуль сургалтад сургууль дээрээсээ хамрагдах боломжтой юм.
- Мөн ухаалаг ангид камержуулалтын систем сууриулуулсан учир PISA, Элсэлтийн Ерөнхий Шалгалт, Чанар, гүйцэтгэлийн үнэлгээг ч зохион байгууламж боломжоор хангагдаж байна.
- Google, Naver зэрэг компаниудтай хамтран ажилласнаар ухаалаг ангийг сургууль бүрд тохижуулах, багш нарыг компьютержуулах боломж бүрдүүлэхээр ажиллаж байна.
