/2023.04.07/: Өнгөрөгч гуравдугаар сарын 27-ны өдөр СХД-ийн нутаг дэвсгэрт "Орцны гадна байрлуулсан тээврийн хэрэгсэл хулгайд алдагдсан" гэх дуудлага, мэдээлэл бүртгэгдсэн байна.

Уг хэргийг цагдаагийн газрын Гуравдугаар хэлтсээс мөрдөн шалгах ажиллагааг шуурхай, тасралтгүй зохион байгуулж, алдагдсан тээврийн хэрэгслийг тус дүүргийн нутаг дэвсгэрт ууланд эзгүй газарт үлдээсэн байсныг олж тогтоожээ.

Хэргийг 16 настай эрэгтэй “Т” болон “Н” нар үйлдсэнийг илрүүлэн мөрдөн шалгах ажиллагааг үргэлжлүүлж байна хэмээн цагдаагийн байгууллагаас мэдээллээ.