/2023.04.07/: Монголын Хараагүйчүүдийн үндэсний холбоо Ард кредит ББСБ-тай хамтран харааны бэрхшээлтэй таван хүнийг тусгайлсан ажлын байраар хангаж, “Call center” төвийн үйл ажиллагааг эхлүүллээ.

Тус холбоо нь “Хөгжлийн бэрхшээлтэй иргэдийн хөдөлмөр эрхлэлтийг дэмжих хөтөлбөр”-ийн хүрээнд хөгжлийн бэрхшээлтэй хүний онцлогт нийцсэн тусгайлсан ажлын байрыг шинээр бий болгож, туршиж нэвтрүүлэх төслийг хэрэгжүүлж буй юм.

Ажлын байрыг "Макс" групп нийгмийн хариуцлагын хүрээнд засан тохижуулжээ. Ажиллаж буй таван хүн нь Монголын Хараагүйчүүдийн үндэсний холбооны дэргэдэх Мэргэжил сургалт үйлдвэрлэлийн төвийн төгсөгчид юм.