/2023.03.14/: Украины тэргүүн хатагтай Олена Зеленска энэ сарын эхээр Парист айлчилсан тухай Францын хэвлэл мэдээллийн хэрэгслүүдэд мэдээлсэн.
Тэрээр Францын нийслэлд хийх аялалдаа Украины албаны хүмүүс, тэр дундаа тус улсын Ерөнхий сайд Денис Шмихал нартай хамт явсан бөгөөд энэ айлчлал нь Украин, Францын харилцаа бат бөх байдлыг харуулах зорилготой байсан юм.
Гэсэн хэдий ч түүний аяллын дараахан Хатагтай Зеленськийг Францын нийслэлд байхдаа үнэтэй дэлгүүр хэссэн гэх таамаг олон нийтийн сүлжээгээр гарч эхэлсэн байна.
Зеленскаг Парист хийсэн айлчлалын дараахан хэд хэдэн твиттер хуудсанд түүний худалдан авалтын талаар нийтэлж эхэлсэн бөгөөд өнгөрсөн нэг жилийн хугацаанд Украинд шилжүүлсэн АНУ-ын тусламжийн дүнтэй түүний зарлагыг зэрэгцүүлэн бичсэн байна.
Арванхоёрдугаар сарын 15-нд нэгэн хэрэглэгч "Зеленськийн эхнэрийг Парист 42,500 доллараар дэлгүүр хэсүүлэхийн тулд бидний татварын мөнгийг олон тэрбумаар нь илгээж байгаад баяртай байна" гэж ёжилж бичжээ.
Сэтгүүлч Макс Блументаль арванхоёрдугаар сарын 21-нд "Францын олон нийтийн сүлжээгээр Володимир Зеленськийн эхнэр Олена Зеленскийн Парист шоппинг хийсэн 40 мянган долларын талаар шуугиж байна" гэж жиргэжээ. Твиттерийн бусад хэрэглэгчид ч мөн адил худалдааны аялал хийсэн гэх шүүмжлэлийг нийтэлсэн байна.
Хэдийгээр иймэрхүү жиргээ олон орны хэлээр цацагдсан хэдий ч яг баттай эх үүсвэр байхгүй, сайтын мэдээллүүд нь дандаа хуурамч сайт байсан талаар Newsweek сэтгүүлийн Fact Check буланд онцолсон байна.
Эх сурвалж: newsweek
