/2023.03.06/ УИХ-ын гишүүн Б.Энхбаяр Хөгжлийн банкны эх үүсвэрээс санхүүжсэн төсөл, хөтөлбөр, зээлийн ашиглалт, зарцуулалт, татан төвлөрүүлсэн хөрөнгийн удирдлага, үр дүнгийн талаар мэдээлж байна.

Тэрээр:

-Хөгжлийн банкийг шалгах УИХ-ын түр хорооноос нотлох баримтыг хянан шалгах нээлттэй сонсголуудыг хоёрдугаар сард зохион байгуулсан. Одоо гурав дахь удаагийн буюу төгсгөлийн нотлох баримтыг шинжлэх судлах сонсгол гуравдугаар сарын 13-17-ны өдрүүдэд зохион байгуулагдана. МҮОНРТ-ээр шууд дамжуулагдана.

Энэ удаагийн сонсголоор хоёр үндсэн асуудлыг хэлэлцэхээр төлөвлөж байна. Үүнд,

• Нэгдүгээрт, арилжааны банкуудаар дамжуулан олгосон 2542 зээлийн асуудал. Нийт 1,6 их наяд төгрөгийн зээлийн асуудал яригдана.
• Хоёрдугаарт, 2011-2020 он хүртэлх хугацаанд Хөгжлийн банкны эх үүсвэрээр арилжааны банкуудад байршуулсан 3280 ширхэг мөнгөн хадгаламжийн хэлцэлд дүн шилжилгээ хийнэ гэлээ.

Сонсголд нийт 210 хүн, албан тушаалтныг гэрчээр дуудах аж. Тодруулбал,

• Монгол Улсын Ерөнхийлөгч асан Ц.Элбэгдорж,
• Монгол Улсын Ерөнхийлөгч асан Х.Баттулга,
• Сангийн сайд асан С.Баярцогт,
• Сангийн сайд асан С.Баярцогт Ч.Хүрэлбаатар,
• MCS группийн үүсгэн байгуулагч Ж.Оджаргал,
• "Таванбогд Трейд" группийн үүсгэн байгуулагч Ц.Баатарсайхан,
• Буян компанийн үүсгэн байгуулагч Б.Жаргалсайхан,
• УИХ-ын гишүүн асан Ж.Батзандан,
• УИХ-ын гишүүн асан Л.Эрдэнэчимэг,
• УИХ-ын гишүүн асан Батбаяр түүний охин Жаргалан,
• УИХ-ын гишүүн О.Цогтгэрэл,
• УИХ-ын гишүүн О.Цогтгэрэл О.Адьшаа нарын хүмүүсийг гэрчээр дуудна юм байна.