/2023.02.28/: АНУ-ын Тэнгисийн цэргийн хүчний тагнуулын онгоц даваа гарагт Тайваний хоолой дээгүүр нисжээ.
Энэ үйлдлийг Хятадын арми эрс эсэргүүцсэн ч АНУ-ын зүгээс олон улсын агаарын орон зайд үйл ажиллагаа явуулах эрхээ харуулах зорилготой энэхүү алхмыг хийсэн байна.
АНУ-ын 7-р флот даваа гарагт хийсэн мэдэгдэлдээ, "P-8A Poseidon онгоц Хятад болон Тайвань арлыг тусгаарладаг усан зам дээгүүр ниссэн нь олон улсын хуулийн дагуу явагдсан" гэв.
Гэвч Хятадын Ардын чөлөөлөх армийн зүүн командлалын хэвлэлийн төлөөлөгч, армийн ахлах хурандаа Ши И Вашингтоныг нислэгийг хурцадмал байдлыг улам өдөөсөн хатгасан хэрэг гэж буруутгав.
"АНУ-ын хийсэн энэхүү нислэг нь бүс нутгийн байдлыг зориудаар тасалдуулж, Тайванийн хоолойгоор дамжин энх тайван, тогтвортой байдалд аюул учруулсан" гэж Ши Хятадын Ардын Чөлөөлөх Армийн вэбсайтад мэдээлсэн байна.
АНУ-ын 7-р флотын мэдэгдэлд "АНУ Тайваний хоолой, түүний дотор олон улсын хуулиар зөвшөөрөгдсөн бүхий л газраар явах бүрэн эрхтэй бөгөөд үйл ажиллагаагаа үргэлжлүүлнэ" гэж мэдэгджээ.
Бээжин Тайваны арал дээр цэргийн шахалт үзүүлсээр байгаа бөгөөд Тайваний хоолой руу өдөр бүр цэргийн онгоц болон хөлөг онгоц илгээсээр байна.
Мягмар гарагт арлын эргэн тойронд ХАЧА-ын 14 нисэх онгоц, тэнгисийн цэргийн гурван хөлөг онгоц, тэр дундаа хоёр эргийн хоорондох албан бус хилийн шугамыг хөндлөн гарсан дөрвөн онгоцыг илрүүлсэн гэж Тайванийн Батлан хамгаалах яам мэдэгдсэн юм.
Эх сурвалж: CNN
