/2023.02.13/: НҮБ-д суугаа АНУ-ын Элчин сайд Линда Томас-Гринфилд өчигдөр НҮБ-ын Аюулгүйн зөвлөлөөс газар хөдлөлтөд нэрвэгдсэн Сирийн зарим хэсэгт тусламж хүргэх хоёр нэмэлт цэгийг батлахыг уриалав.

Томас-Гринфилд мэдэгдэлдээ "Нөлөөлөлд өртсөн бүс нутгийн хүмүүс бидэнд найдаж байгаа. Тэдний хүнд хэцүү үед нь туслахыг хүн төрөлхтөнд уриалж байна. Бид тэднийг урмыг хугалж болохгүй. Хүмүүнлэгийн тусламжийг хүргэхийн тулд нэмэлт хилийн боомт байгуулах зөвшөөрөл олгох НҮБ-ын уриалгыг бид нэн даруй санал хураах ёстой. Бидэнд яаралтай арга хэмжээ авах эрх мэдэл байна. Маш яаралтай хөдлөх цаг нь болсон" гэжээ.

Сирийн хойд хэсгийн газар хөдлөлтөд нэрвэгдсэн бүс нутгуудад яаралтай тусламж үзүүлэхэд өөрийн ард түмнийг хөнөөсөн хэрэгт буруутгагдаж буй Ерөнхийлөгч Башар аль-Ассадын тэргүүлсэн Сирийн засгийн газрын сөрөг хүчнийхэн болон засгийн газрын хооронд удаан үргэлжилсэн иргэний дайны улмаас хүндрэлтэй байгаа юм.

ОХУ Ассадын дэглэмийг дэмждэг бөгөөд өмнө нь НҮБ-аас Сирид тусламж үзүүлэх өөр цэг шинээр батлахыг хориглож байсан юм.

НҮБ-ын яаралтай тусламжийн зохицуулагч тусламжийг түргэн шуурхай хүргэхийн тулд "илүү олон нэвтрэх цэг нээх" шаардлагатайг онцолжээ. Үүний зэрэгцээ "Цагаан дуулгатнууд" сайн дурын бүлгийн тэргүүн НҮБ-ыг Аюулгүйн зөвлөлөөс гадуур яаралтай тусламж үзүүлэх гурван гарц нээхийг уриалжээ.

Эх сурвалж: CNN