/2023.02.09/ Сүүлийн өдрүүдэд автомашин хулгайлах төрлийн гэмт хэрэг нэмэгдэж байгаа талаар Цагдаагийн ерөнхий газраас мэдээллээ. Тухайлбал, Toyota Crown маркийн автомашин хулгайлсан хэрэг энэ сарын 8-ны өдөр Баянзүрх дүүрэгт гарчээ.
Энэ талаарх дуудлага мэдээлэл цагдаагийн байгууллагад бүртгэгдэж, улмаар шалгалтын ажиллагаа явуулсан байна. Ингэхэд 28 настай, “З” нь бусдын Toyota Crown маркийн автомашин хулгайлсан байжээ. Одоогоор үргэлжлүүлэн шалгалтын ажиллагааг явуулж байгаа аж.
Иймд иргэд та бүхэн өөрийн автомашинаа хяналтын камертай газарт байршуулж, болзошгүй эрсдэлээс сэрхийлэхийг анхааруулж байна. Мөн автомашинаа эзэнгүй, асаалттай орхихгүй байхыг анхаарууллаа.
