Чех улсад төлсөн НД-ын шимтгэлийг МУ-д төлсөнтэй адилтган тооцно
 

Чех улсад төлсөн НД-ын шимтгэлийг МУ-д төлсөнтэй адилтган тооцно

May be an image of 2 people and people standing

/2023.01.24/: Бүгд Найрамдах Чех Улсад оршин сууж буй иргэдийнхээ нийгмийн баталгааг хангах зорилгоор “Нийгмийн хамгааллын тухай Монгол Улс болон Бүгд Найрамдах Чех Улс хоорондын хэлэлцээр” байгуулах ажлыг 2010 онд эхлүүлж, 2019 оны тавдугаар сарын 20-ны өдөр Прага хотноо уг хэлэлцээрт гарын үсэг зурсан.

Өнөөдөр Хөдөлмөр, нийгмийн хамгааллын сайд Т.Аюурсайхан Бүгд Найрамдах Чех Улсаас Монгол Улсад суугаа Онц бөгөөд Бүрэн Эрхт Элчин сайд Ян Вытопил нар хэлэлцээрийг хэрэгжүүлэх Удирдлагын тохиролцоонд гарын үсэг зурлаа.

Хэлэлцээр хэрэгжиж эхэлснээр хоёр улсын иргэд шимтгэл төлсөн давхардаагүй хугацаагаа нэгтгэн тооцуулж тэтгэвэр тогтоолгох, мөн шимтгэл төлсөн хугацаандаа ногдох тэтгэврээ шилжүүлэн авах нөхцөл бүрдэж, нийгмийн баталгаа нь хангагдах юм.

Жишээ нь, Монгол Улсад 14 жил, БНЧУ-д 21 жил нийгмийн даатгалын шимтгэл төлж ажиллаж, амьдарсан Монгол Улсын иргэн А Монгол Улсад тэтгэвэр тогтоолгох бол хоёр улсад шимтгэл төлсөн жилээ нэгтгэн 35 жил төлснөөр тооцуулж бүрэн тэтгэврийн эрх үүсгэж, 14 жилд ногдох тэтгэврээ Монгол Улсын тэтгэврийн даатгалын сангаас, 21 жилд ногдох тэтгэврээ БНЧУ-ын талаас тогтоолгон авах боломжтой болно.

Өнөөдрийн байдлаар БНЧУ-д МУ-ын 12 мянга орчим иргэн албан ёсны зөвшөөрөлтэй оршин сууж байна.

Эх сурвалж: ХНХЯ

Монголын дөрвөн эмэгтэй боксчин өнөөдөр алтан медалийн төлөө тулалдана
Монголын дөрвөн эмэгтэй боксчин өнөөдөр алтан медалийн төлөө тулалдана
 
ОБЕГ: Мөсний зузаан харилцан адилгүй, цөмөрч болзошгүй байна
ОБЕГ: Мөсний зузаан харилцан адилгүй, цөмөрч болзошгүй байна
Сэтгэгдэл (0)
Анхаар!
Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Мэдээний сэтгэгдлийн хэсгийг mpress.mn сайт хариуцах тул, ёс бус сэтгэгдлийг админ устгах эрхтэй.