/2023.01.10/: Өнөөдөр болох онцлох үйл явдлуудыг тоймлон хүргэж байна:

11.00 цагт: УИХ-ын ээлжит “Хуулийн мэдээллийн цаг”-аар УИХ-ын гишүүн Х.Булгантуяа, Э.Бат-Амгалан нар оролцож, Хөрөнгийн үнэлгээний тухай, Шүүх шинжилгээний байгууллагын тухай хуулийн талаар мэдээлнэ.

11.00 цагт: ХӨСҮТ-ийн мэдээллийн танхимд томуу, томуу төст өвчний болон ковидын нөхцөл байдлын талаар мэдээлнэ.

11:00 цагт: БГД-ын 1-р хорооноос сонгогдсон ДИТХ-ын төлөөлөгч У нь УБТЗ-ын салбар нэгжид даргын албан тушаал хашиж байхдаа шүүхээр ял шийтгэл авсан гэх асуудлаар мэдээлэл хийнэ.

11:00 цагт: Монголын Төмөр замчдын Үйлдвэрчний эвлэлийн холбооноос сүүлийн үед УБТЗ-ын авлига, албан тушаалын гэмт хэрэг, ажлын байран дахь дарамт хүчирхийлэл болон цаг үеийн бусад асуудлаар мэдээлэл хийнэ.

УИХ-ын Үйлдвэржилтийн бодлогын байнгын хорооны дарга, гишүүд Төв аймагт үйл ажиллагаа явуулж буй махны үйлдвэрүүдийн үйл ажиллагаатай танилцана.