/2023.01.04/: Хөвсгөл нууран дээгүүр зорчиж явсан 3 зорчигчтой “УАЗ-3303” загварын автомашин мөс цөмөрч тус нууранд живсэн тухай дуудлага Онцгоай байдлын газарт иржээ.

Дуудлагын дагуу Хөвсгөл аймгийн Рэнчинлхүмбэ сумын Онцгой байдлын алба хаагчдыг очиход “УАЗ-3303” загварын автомашин Хөвсгөл нууран дээгүүр зорчин яваад мөс цөмөрч живсэн байсан бөгөөд 2 зорчигч автомашинаасаа бууж амжсан байжээ.

Харин зорчигч Э 49 настай, эрэгтэй нь тус нууранд автомашинтайгаа живж, сураггүй болсон тул эрэн хайх ажиллагааг зохион байгуулахаар тус аймгийн Онцгой байдлын газрын Эрэн хайх, аврах салбарын алба хаагчид ажиллаж байгаа аж.

Эх сурвалж: ОБЕГ