/2022.12.26/: “Таван толгой Транс” ХХК-ийн гүйцэтгэх захирал Д.Дагвадорж, “МБМ транс” ХХК-ийн гүйцэтгэх захирал Г.Мөнхдөл, “Зун Мен” ХХК-ийн гүйцэтгэх захирал Ши Шао Хуа нарыг нүүрсний хулгайн хэрэгт холбогдуулан баривчилж, улмаар нэг сарын хугацаатай хорьсон хэдий ч тэдний өмгөөлөгчид шүүхэд гомдол гаргажээ.

Уг гомдлыг авч хэлэлцээд тус хэргийг Хан-Уул дүүргийн Эрүүгийн хэргийн анхан шатны шүүхээр шийдвэрлэх үндэслэлгүй буюу харьяалал зөрчигдсөн гэж дүгнэн яллагдагч нарт цагдан хорих таслан сэргийлэх арга хэмжээ авсан шүүгчийн захирамжийг хүчингүй болгож шийдвэрлэсэн байна.

Эх сурвалж: БАЯНГОЛ, ХАН-УУЛ, СОНГИНОХАЙРХАН ДҮҮРГИЙН ЭРҮҮГИЙН ХЭРГИЙН АНХАН ШАТНЫ ШҮҮХИЙН ТАМГЫН ГАЗАР