/2022.12.19/ МАН-ын бүлэг өнөөдөр хуралдаж, гарсан шийдвэрүүдээ танилцууллаа.

Бүлгийн дарга Д.Тогтохсүрэн:

-Нүүрсний асуудалд нэр холбогдсон хүмүүс шалгуулъя гэж байгаа. Асуудал үүсвэл бүгд шалгуулна гэсэн зүйл дээр тогтсон. Цаашид нэр нь зарлагдаагүй ч шалгуулах тохиолдол гарахыг үгүйсгэхгүй. Прокурор, АТГ, тагнуулын байгууллагын хамтарсан ажлын хэсэг байгуулагдсан юм байна лээ гэв.

Мөн тэрээр, "Төрийн болон орон нутгийн тухай хуультай холбоотойгоор өнөөдрөөс ажлын хэсэг байгуулагдана. Б.Энхбаяр гишүүнээр ахлуулан Засгийн газартай хамтран шуурхай ажиллахыг хичээнэ. Өнгөрсөн долоо хоногт УИХ-аас Эрүүгийн хууль болон түүнийг дагасан Хянан шийдвэрлэх тухай хууль, Авлига, ашиг сонирхлыг хуулиудыг баталсан" гэлээ.