/2022.12.19/ 2022 оны Катарын ДАШТ-ний од, домогт хөлбөмбөгчин Леонил Месси 1987 оны зургаадугаар сарын 24-нд төрсөн, одоо 35 настай. Түүний өндөр 170см.
“Хөлмбөмбөгийн домог болсон Пелегийн оруулсан гоолоос ч Мессигийн гоол давж чадлаа. Месси үргэлж Диего Марадонагийн амжилтын сүүдэрт амьдардаг байсан” гэж CNN бичжээ. “Диего Марадона харизматай, хүчтэй, заримдаа ууртай. Харин Месси тайван, олон үг яриад байдаггүй нэгэн. Хүмүүс үргэлж Марадона шиг нэгнийг хүсдэг бол Месси шал өөр хүн байсан. Харин Катарын ДАШТ-д Месси цоо шинэ нэгэн болж өөрчлөгдлөө” гэжээ. Мессигийн “тэнэг, тэнэг” хэмээн хашгирч, гоолын баяраа өвөрмөцөөр тэмдэглэж байсан зэргээс нь ийн дүгнэсэн байна.
1986 оны ДАШТ-д багаа тэргүүлж орсон Диего Марадона 2020 онд таалал төгссөн юм. Өчигдрийн тоглолтын дараа Пеле “Баяр хүргэе Аргентин, Диего тэнгэрээс инээмсэглэж байгаа нь лавтай” хэмээн өөрийн сошиал хуудаснаа бичжээ.
Месси 2021 онд Парисын Сэинт Жермэйнд орсон бөгөөд энэ хүртэлх түүний карьер Барселонотой холбоотой. Месси Каталан клубийнхний хамтаар 34 удаа томоохон тоглолтуудаас цом хүртэж, UEFA аваргуудын лигт 4 удаа түрүүлсэн. La Ligа-ийн бүх цаг үеийн хамгийн олон гоолтой тоглогч бөгөөд Роналдо 311 гоолтойгоор хоёрдугаарт жагсдаг юм.
Мессигийн орсон бүх тоглолтынх нь гоолыг тоолвол 750 болох ажээ. Месси Роналдо нарын гоолын харьцуулалтыг хийсэн олон сайт байдаг.
Ийнхүү 35 насандаа тоглосон түүний сүүлчийн Дэлхийн аварга Мессигийн суу билгийг хөлбөмбөгийн ертөнцөд дархлан үлдээлээ.
ХУВИЙН АМЬДРАЛ
Месси өөрийн эхнэр Антонелла Рокузатай 2008 оноос хойш хамтран амьдарсан бөгөөд 2017 онд гэрлэжээ. Тэд Тиего, Матио, Киро гэх гурван хүүтэй. Месси хөвгүүдийнхээ нэрийг өөрийн зүүн хөлөн дээрээ шивүүлсэн байдаг.
Мессигийн аав нь түүнд бизнесийн чухал зөвлөгч, харин ээж нь Лео Месси сангийн үйл ажиллагааг нь хариуцан ажилладаг.
Месси хамгийн өндөр орлоготой хөлбөмбөгчин. Түүний жилийн цалин нь 80 сая доллар. Сүүлийн 12 сард л гэхэд Хуавей, Адидас, Пепси, Мастеркарттай хамтран ажиллаж 33 сая долларын орлого олжээ.
Эх сурвалж: planetsport.com
