/2022.12.09/ ХЗДХ-ийн сайд Х.Нямбаатарын ахалсан "Нүүрсний хулгай"-г шалгах штабаас мэдээлэл өглөө. Энэ үеэр ХЗДХ-ийн сайд Х.Нямбаатарыг Боомтын сайдаар хавсран ажиллахаар болсон гэдгийг мэдээллээ.
Тэрээр:
-Энэ долоо хоногт хуралдсан засгийн газрын хуралдаанаар Боомтын асуудал эрхэлсэн сайдын үүрэгт ажлыг намайг хавсран гүйцэтгүүлэх шийдвэр гарсан. Маргааш боомтын асуудал эрхэлсэн засгийн газрын гишүүний хувиар боомтын үндэсний зөвлөл болон бусад албан тушаалтнуудыг хуралдуулж, нөхцөл байдлыг сайжруулах, хариуцлагажуулах, нүүрсний болон бусад ашигт малтмалуудын экспортын биет хэмжээг нэмэгдүүлэх чиглэлээр хуралдах болсон гэлээ.
