/2022.12.08/: Гамшгаас хамгаалах тухай хуулийн хэрэгжилтийг хангах зорилгоор “Гамшиг, нийгмийн эрүүл мэндийн ноцтой байдлын үеийн бэлэн байдал, хариу арга хэмжээ, эмнэлгийн яаралтай тусламжийн амилуулах суурь тусламж үзүүлэх” онол, дадлагын сургалтыг 2022 оны 11 дүгээр сарын 26-27-ны өдрүүдэд Онцгой байдлын ерөнхий газар, Нийслэлийн түргэн тусламжийн төвтэй хамтран зохион байгууллаа.

Сургалтанд Эрүүл мэндийн яамны 70 гаруй ажилтан, алба хаагч хамрагдлаа.

Гамшиг онцгой байдлын үеийн хариу арга хэмжээ, газар хөдлөлт, гал түймрийн аюулын үед авах арга хэмжээ, амь тэнссэн үед иргэдэд анхан шатны тусламж үйлчилгээг цаг алдалгүй үзүүлэх талаар онол, дадлагыг хослуулах хэлбэрээр суурь мэдлэгийг эзэмшсэн үр дүнтэй сургалт зохион байгуулагдлаа.

Эх сурвалж: ЭМЯ