/2022.11.23/ Засгийн газрын хуралдаанаас гарсан шийдвэрийг танилцуулж байна.

Эдийн засаг, хөгжлийн сайд Ч.Хүрэлбаатар:

-Цагааннуур чөлөөт бүсийг байнгын ажиллагаатай байлгах шийдвэрийг Засгийн газраас гаргалаа. БНХАУ-аас ОХУ-руу чиглэсэн ачаа тээвэрлэлт эхэлчихсэн байгаа. Цагааннуур чөлөөт бүсэд тээвэр ложистик, гадаад дотоод худалдааны төв, үйлдвэрлэл бий болох бүрэн боломжтой. Мөн ойролцоо оршин суудаг иргэдийн бэлтгэсэн мах холбогдох зах зээл рүү гарах бүрэн боломж бий. Мөн Европоос гарсан ачаа Цагааннуурын боомтоор дамжиж орж ирвэл Алтанбулаг боомтоос 200 км замаар татуу байгаа. Тиймээс эдийн засгийн хувьд ч гэсэн хэмнэлт гаргах боломжтой гэлээ.