/2022.11.09/ Засгийн газрын өнөөдрийн хуралдаанаар Цахим хөгжил, харилцаа холбооны дэд сайд Б.Болор-Эрдэнийг үүрэгт ажлаас нь чөлөөлжээ.

Түүний 2021 онд болсон Дэлхийн хөрөнгө оруулалтын чуулганы үеэр өгсөн ярилцлагынх нь нэг хэсэг олон нийтийн сүлжээгээр тархаж, шүүмжлэл дагуулсан билээ. Улмаар зарим нэр бүхий улс төрчид болон иргэдийн зүгээс огцруул гэсэн шаардлагыг тавьж эхэлсэн юм.

Тиймээс Б.Болор-Эрдэнэ албан тушаалаасаа чөлөөлөгдөх хүсэлтээ өгсөн талаар өөрийн сошиал хуудсаараа дамжуулан мэдэгдсэн байдаг. Энэ дагуу түүний хүсэлтийг Засгийн газрын хуралдаанаар хэлэлцэж шийдвэрлэжээ.