/2022.11.04/: Дэлгэрмөрөн голын эрэг дээрх хайрга, дайрга олборлолт хийж байсан "Далай гоулд" ХХК -д олгосон газар эзэмшүүлэх захирамжийг хүчингүй болголоо.
Нутгийн иргэдээс ирүүлсэн гомдол буюу Дэлгэрмөрөн голын бохирдол, байнгын тоосжилт үүсгэдэг, ухсан нүхэнд нь хүн, мал унаж бэртдэг, аюулгүй ажиллагааны байдлыг хангаагүй, ухаж орхиод дахиад ухдаг гэх мэдээллийн дагуу Байгаль орчин, аялал жуулчлалын яамнаас гаргасан баг ажилласан бөгөөд 2022 оны аравдугаар сарын 31-ны өдрөөр тасалбар болгон Аймгийн Засаг даргад захирамжийг мэдэгджээ.
