/2022.10.19/ ТЦА-ны дарга, цагдаагийн хурандаа О.Ганбат ЦЕГ-ын ХМТ-ийн дарга, цагдаагийн хурандаа Б.Баатархүү нар сүүлийн өдрүүдэд гарсан зам тээврийн ослын талаар нэмэлт мэдээлэл өглөө.

Хэргийг хариуцаж буй Цагдаагийн хошууч н.Хосбаяр:

-Шинжээчийн дүгнэлт гарлаа. Урьдчилсан байдлаар иргэн "С"-ын эрүүл мэндэд хөнгөн хохирол учирсан. Тодруулбал, зүүн өвдөг шалбарч, баруун шилбэ, зүүн өвдөгт зулгаралт, гэмтэл үүссэн гэсэн дүгнэлт гарсан байна. Энэ нь Шүүх эмнэлгийн гэмтлийн зэрэг тогтоох журмын 2.4.1-т зааснаар гэмтлийн хөнгөн зэрэгт хамаардаг.

Уг хэрэгт иргэдийн эрүүл мэнд хохирсноос гадна 7 тээврийн хэрэгслийг мөргөж, эд хөрөнгөд хохирол учруулсан байна. Урьдчилсан байдлаар нийт 117 сая төгрөгийн хохирол учирсан гэдгийг тогтоосон. Шинжээчийн дүгнэлт гарсны дараа Эрүүгийн хуулийн тусгай ангийн 27.10.2-т зааснаар эрүүгийн хэрэг үүсгэж, яллагдагчаар татах саналаа прокурорт хүргүүлэхээр ажиллаж байна гэв.