/2022.10.19/ Өнгөрсөн долоо хоногт буюу энэ сарын 10-ны өдөр “Ланд Круйзер-200” маркийн автомашин замын эсрэг урсгалд орж долоон автомашин мөргөн, улмаар явган зорчигч болох 12 настай хоёр хүүхдийн эрүүл мэндийг хохироосон ноцтой осол гарсан билээ.

Уг осол иргэдийн дунд маргаан дагуулаад буй. Тэгвэл үүнтэй холбоотойгоор иргэн Э.Энхзориг охиныг дайрсан ослын камерын бичлэгийг ил болгохыг шаардаж ХЗДХЯ-ны гадна өнөөдөр мэдээлэл хийлээ.

Үүний хариуд ХЗДХ-ийн сайд Х.Нямбаатар өөрийн твиттер хуудаснаа, "Хүний зовлон дээр шоу хийдэг моод дэлгэрчээ. Нууж хаасан зүйл байхгүй. Тээврийн цагдаа өчигдөр мэдээлэл хийсэн. Бичлэгийг бүтнээр нь түгээж байгаа. Осол гаргасан хүнийг яллагдагчаар татах эрүүгийн хэрэг үүсгэх саналтай прокурорт саналаа өнөөдөр хүргүүлж байгаа" хэмээн жиргэжээ.