/2022.10.17/: Орон нутгийн цагаар даваа гарагийн өглөөний 06:45 цагийн орчимд Киев хотод Оросын пуужингийн цохилтын улмаас гурван удаа дэлбэрэлт болсон гэж CNN агентлаг мэдээлжээ.

Дэлбэрэлтийн нэг нь Украины нийслэлийн төвд байрлах Шевченковский дүүрэгт болсон гэж хотын дарга Виталий Кличко Telegram хаягаараа дамжуулан мэдэгдсэн байна.

Тэрээр "Онцгой байдлын бүх үйлчилгээг бөмбөгдөлтөд өртсөн байршил руу илгээсэн. Агаарын довтолгооны дуут дохио үргэлжилсээр байна. Хамгаалах байрандаа байгаарай!" гэв.

Барууны холбоотнуудаас тус улсад агаарын довтолгооноос хамгаалах илүү дэвшилтэт систем нийлүүлэхийг уриалж байсан Украины дээд албан тушаалтны хэлснээр, даваа гарагийн өглөө Орос Киев рүү "камикадзе" нисгэгчгүй онгоцоор дайрсан байна.

Украины Ерөнхийлөгчийн тамгын газрын дарга Андрей Ермак "Оросууд Киевийг бөмбөгдсөнөөр тэдэнд тус болно гэж бодож байгаа ч эдгээр үйлдэл нь тэдний цөхрөлийг илтгэж байна" гэж мэдэгджээ. "Бидэнд аль болох хурдан агаарын довтолгооноос хамгаалах хэрэгсэл хэрэгтэй. Бидэнд хойшлуулах цаг алга. Тэнгэрийг хамгаалж, дайсныг устгахын тулд бидэнд илүү их зэвсэг хэрэгтэй байна" гэв.

Киев хотын дарга Виталий Кличкогийн мэдэгдсэнээр дроноор орон сууцны бус барилгад халдсан гэжээ. мэдэгджээ.

“Гал сөнөөгчид ажиллаж байна. Зарим орон сууцны барилга эвдэрсэн байна. Эмч нар газар дээр нь ажиллаж байна” гэж Кличко хэлэв.

Эх сурвалж: CNN