/2022.09.01/: Дорноговь аймгийн Сайхандулаан сумын “Хүрээтийн сухайт” гэдэг газар Малчин Л, наймдугаар сарын 28-ы өдрийн 16:00 цагийн орчимд гэрээсээ гараад сураггүй болсон тухай мэдээллийг наймдугаар сарын 30-ны өдрийн Онцгой байдлын газарт иржээ.

Дуудлагын дагуу тус сумын Засаг даргын Тамгын газрын даргаар ахлуулсан иргэд очиж иргэн Л 26 настай, эрэгтэйг 10 км радиуст эрэн хайх ажиллагааг зохион байгуулж наймдугаар сарын 31-ний өдрийн 06:00 цагт тус сумын Улааншороот багийн Хүрээтийн сухайт гэдэг газар /гэрээс нь зүүн урд зүгт 5 км/-аас цогцсыг олж Цагдаагийн байгууллагад шилжүүлэн өгсөн байна.

Эх сурвалж: ОБЕГ