Канадын Торонто хотын амьтны хүрээлэнд энэ оны дөрөвдүгээр сард төрсөн хоёр бөхт тэмээний төлд Монголын Элчин сайдын яамны дэмжлэгтэйгээр “Зориг” хэмээх нэр өгчээ.

Түүнд нэр өгөх тусгай ёслолыг есдүгээр сарын 11-нд зохион байгуулж, Торонто дахь Монголын Өргөмжит консулын төлөөлөгчид оролцсон байна. Ёслолын үеэр “Зориг” гэдэг нь монгол хэлээр “эр зориг, шийдэмгий байдал” гэсэн утгатай, хоёр бөхт тэмээний онцлог, мөн Монголын соёл, уламжлалтай холбон ийм нэр сонгосон гэдгээ тайлбарлажээ.

Эх сурвалж: Thestar.com

Н.Ука