/2024.05.08/: Хятадын Юньнань мужийн эмнэлэгт өчигдөр нэгэн этгээд хутгатай халдлага үйлдсэний улмаас хоёр хүн амиа алдаж, 21 хүн шархадсан гэж орон нутгийн эрх баригчид мэдэгдэв.

Тус мужийн олон нийтийн аюулгүй байдлын товчооны хийсэн мэдэгдэлд тус мужийн нэгэн хотоос сэжигтэн эрэгтэйг илрүүлсэн гэжээ. Ченнань эмнэлэгт үд дундын өмнөхөн болсон халдлагыг мөрдөн шалгах ажиллагаа үргэлжилж байна гэж мэдэгдэлд дурджээ.

Гуйжоу телевизийн хэргийн газраас авсан бичлэгт сэжигтнийг ойролцоох эрүүл мэндийн төвд цагдаа нар баривчилж байгааг харуулсан байна.

Баривчлагдсан сэжигтэн халдагч мөн эсэхийг албаныхан хараахан батлаагүй байна.

Энгийн иргэдийн ихэнх нь хувийн галт зэвсэг эзэмшихийг хууль бус гэж үздэг Хятад улсад сүүлийн жилүүдэд олон нийтийн газар олноор нь хутгалах хэрэг хэд хэд гарчээ.

Өнгөрсөн жил Хятадын өмнөд хэсгийн Гуандун хотын нэгэн цэцэрлэгийн гадаа хутгатай халдлага үйлдэж, зургаан хүн амиа алдаж, нэг хүн шархадсан. 2020 онд өмнөд хэсгийн Гуанси мужид бага сургуульд хутгатай халдлага үйлдэж 37 хүүхэд, хоёр том хүн шархадсан бол 2022 онд мөн цэцэрлэгт хутгалуулж, гурван хүн амиа алдаж, зургаан хүн шархадсан юм.

Юньнань нь мөн 2014 онд Куньмин мужийн төв галт тэрэгний буудалд хутгатай халдлага үйлдэж, 33 хүн амь үрэгдэж, 133 хүн шархадсан. Эрх баригчид уг халдлагыг баруун хойд Шинжаан бүс нутгийн террористуудыг буруутгасан юм.

Эх сурвалж: CNN