/2024.05.01/: Европт өдөрт 47 хүүхэд ор сураггүй алга болж байна гэж "Lost in Europe" хил дамнасан сэтгүүлзүйн нийгэмлэгийн шинэ судалгаагаар тогтоожээ.
Мөн уг судалгаа сүүлийн гурван жилийн хугацаанд 50,000 гаруй цагаач хүүхэд ирснийхээ дараа ор сураггүй алга болсныг харуулжээ.
Австри, Герман, Итали зэрэг Европын 31 орноосирүүлсэн мэдээллээр 2021-2023 оны эцэс хүртэл 51,433 хараа хяналтгүй насанд хүрээгүй дүрвэгсэд сураггүй алга болсон гэж бүртгэгдсэн байна. Зарим улс орнуудад тохиолдсон хэргийн баримт бичиг дутуу байгаагаас бодит тоо илүү байж магадгүй аж.
Энэхүү судалгаа нь 2018 оны нэгдүгээр сараас 2020 оны 12 дугаар сар хүртэлх гурван жилийн хугацаанд 18,000 цагаач хүүхэд Европт ирсний дараа алга болсныг илрүүлсэн 2021 онд гаргасан судалгааны үр дүнд тулгуурлажээ.
Тив даяарх анхан шатны байгууллагуудыг нэгтгэдэг Европын сураггүй болсон хүүхдүүдийн асуудал хариуцсан ерөнхий нарийн бичгийн дарга Аагже Ивен хэлэхдээ, судалгаагаар илэрсэн мэдээлсэн тохиолдлын тоо нэмэгдэж байгаа нь хараахан илрээгүй олон тохиолдол байгааг сануулж байна.
Холбоо барьсан 31 орноос Lost in Europe-д 20 хариулт ирсэн бөгөөд долоод нь шаардлагатай мэдээлэл дутуу, 11 нь хариу өгөөгүй нь 2021 онд нийт 12 хариултаас сайжирсан үзүүлэлт аж.
Дагалдан яваа насанд хүрээгүй хүүхдүүдийн бүртгэлээр Итали 22,899, Австрид 20,077 тохиолдол бүртгэгдсэн бол Бельги, Герман, Швейцарь 2,200-1,200 орчим тохиолдол бүртгэгдсэн байна.
Эх сурвалж: CNN
