Чингис хаан үзэсгэлэнг Чехийн Прага хотноо гаргана
Шуурхай мэдээ
 

Чингис хаан үзэсгэлэнг Чехийн Прага хотноо гаргана

/2024.04.25/: Чингис хаан Үндэсний музейн захирал, академич С.Чулуун Чехийн Үндэсний музейн Ерөнхий захирал, профессор Михайл Лукош нар өчигдөр хоёр музейн хооронд хамтран ажиллах гэрээ байгууллаа.

Тус гэрээний хүрээнд хоёр улсын Ерөнхийлөгч нарын ивээл дор “Чингис хаан” хамтарсан үзэсгэлэнг 2025 оны гуравдугаар сарын эхэнд Прага хотноо нээнэ. Тус үзэсгэлэнд Чингис хаан Үндэсний музей, ШУА-ын Археологийн хүрээлэн монголоос оролцоно.

Мөн 200 гаруй жилийн түүхтэй тус музейн харьяа Азийн урлагийн музей Напрестикийн музейн сан хөмрөгт буй монголтой холбоотой баялаг цуглуулгаас “Дэлхийд тархсан Монгол өв” 20 боть бүтээх төслийн хүрээнд “Чех дэх Монгол өв” номыг хамтран хийхэд оролцох бөгөөд, 2025 онд хоёр орны дипломат харилцаа тогтоосны 75 жилийн ойн хүрээнд хэвлэн нийтлүүлэхээр ажиллаж байна.

Мөн Чингис хаан Үндэсний музейн ажилтнуудыг музейн мэргэжил арга зүй, онол-практикийн сургалтад хамруулах, урт богино хугацаагаар сургах ажлыг эхлүүлэхээр тогтсон байна.

Чингис хаан үзэсгэлэн ирэх оны гуравдугаар сараас наймдугаар сар хүртэл үргэлжлэхийн зэрэгцээ монголыг сурталчилсан урлаг соёлын олон арга хэмжээ, хүүхдийн музейн боловсролын хөтөлбөрүүд, мерчендайзын бүтээгдэхүүн зэргийг үзэсгэлэнгийн хүрээнд хэрэгжүүлэхээр тогтлоо.

Уг арга хэмжээнд Монгол улсаас Бүгд Найрамдах Чех улсад суугаа Онц бөгөөд Бүрэн Эрхт Элчин сайд Д.Гансүх оролцов.

Эх сурвалж: ЧХҮМ

АШУҮИС-ийн эмнэлгүүд 110 төрлийн 141 ширхэг тоног төхөөрөмжийг хүлээж авлаа
АШУҮИС-ийн эмнэлгүүд 110 төрлийн 141 ширхэг тоног төхөөрөмжийг хүлээж авлаа
 
Ардчилсан намаас жагсаалтаар нэр дэвших 25 хүний нэрс
Сэтгэгдэл (0)
Анхаар!
Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Мэдээний сэтгэгдлийн хэсгийг mpress.mn сайт хариуцах тул, ёс бус сэтгэгдлийг админ устгах эрхтэй.