Япон улс Канад, Австралийн араас UNRWA-д санхүүжилтээ үргэлжлүүлэн олгохоор боллоо
 

Япон улс Канад, Австралийн араас UNRWA-д санхүүжилтээ үргэлжлүүлэн олгохоор боллоо

a man and a woman shake hands in front of a blue flag

/2024.04.02/: Японы Гадаад хэргийн сайд Йоко Камикава UNRWA-ын тэргүүн Филипп Лаззаринитай өнгөрсөн долоо хоногт уулзсаныхаа дараа UNRWA-д олгох санхүүжилтээ сэргээж буйгаа орон нутгийн хэвлэл мэдээллийнхэнд мэдэгдэв.

Камикава мягмар гарагт сэтгүүлчдэд хэлэхдээ "Япон улс UNRWA-д санхүүгийн хандив өгөхдөө тавьсан хоригоо цуцалж, Японы санхүүжилтийн зохистой байдлыг баталгаажуулахын зэрэгцээ тусламж үзүүлнэ" гэв.

Токиод болсон уулзалтынхаа үеэр Камикава, Лаззарини нар НҮБ-ын агентлаг ил тод байдал, засаглалаа бэхжүүлэх арга замын талаар ярилцсан байна.

Европын Комисс, Канад, Австрали, Швед, Финланд улсууд мөн сүүлийн долоо хоногт санхүүжилтээ түр зогсоосноо цуцалжээ.

Израилын өмнөд хэсэгт Хамас бүлэглэлийн довтолгоонд тус агентлагийн 12 ажилтан оролцсон гэж Израилын буруутгаж байгаа тул UNRWA-д санхүүжилт олгохоо зогсоосон 16 орны нэг нь Япон байв.

Дараа нь Израилын эрх баригчид UNRWA-ийн 450 гаруй ажилтанг "Газ дахь террорист бүлэглэлийн алба хаагчид" гэж мэдэгдсэн юм.

Энэхүү мэдэгдлийн талаар мөрдөн байцаалтын ажиллагаа эхлүүлсэн НҮБ-аас Израил уг мэдэгдлийг батлах нотлох баримтуудыг ирүүлээгүй гэж мэдэгдэв.

UNRWA нь 1949 онд байгуулагдсан бөгөөд 5.9 сая палестин дүрвэгсдэд хоол хүнс, эрүүл мэнд, боловсрол олгодог.

Япон бол 2022 онд 1.2 тэрбум долларын санхүүжилтийн амлалт авсан тус агентлагийн зургаа дахь том хандивлагч юм.

Эх сурвалж: Aljazeera

Сансарын хөдөлгөөнт интернэт төхөөрөмжийг ОБЕГ-т хүлээлгэн өглөө
Сансарын хөдөлгөөнт интернэт төхөөрөмжийг ОБЕГ-т хүлээлгэн өглөө
 
Монгол, Канад улсын батлан хамгаалахын зөвлөлдөх уулзалт болов
Монгол, Канад улсын батлан хамгаалахын зөвлөлдөх уулзалт болов
Сэтгэгдэл (0)
Анхаар!
Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Мэдээний сэтгэгдлийн хэсгийг mpress.mn сайт хариуцах тул, ёс бус сэтгэгдлийг админ устгах эрхтэй.