/2024.03.28/: Тайландын Төлөөлөгчдийн танхим лхагва гарагт ижил хүйстнүүдийн гэрлэлтийг хуульчлахаар санал хураалт явуулснаар Зүүн өмнөд Азидаа гэр бүлийн тэгш эрхийг баталгаажуулсан Азийн гурав дахь газар нутаг болоход нэг алхам ойртлоо.
Парламентын доод танхим уг хуулийн төслийг гурав дахь буюу эцсийн хэлэлцүүлгийг хийсний дараа 400 төлөөлөгч дэмжсэнээр батлав. Уг хуулийн төслийг 10 гишүүн л эсэргүүцсэн байна.
Тайландад гэрлэлтийн тэгш байдал бодитой болохын тулд уг хуулийн төсөлд Сенатаас зөвшөөрөл авах, Хаан батлах шаардлагатай хэвээр байгаа бөгөөд энэ үйл явц хэдэн сар үргэлжилж магадгүй юм.
Хэрэв энэ хууль батлагдвал Тайланд улс Зүүн Өмнөд Азийн ижил хүйстнүүдийн гэрлэлтийг хуулиар хүлээн зөвшөөрсөн анхны улс болох юм.
Энэ нь 2019 онд Тайвань, 2023 онд Балба улс ижил хүйстнүүдийн гэрлэлтийг хуульчилсны дараа гэрлэлтийн тэгш байдлыг хангасан Ази тив дахь гуравдугаарт орно гэсэн үг.
"Бид одоо Тайландын нийгмийг үүрд өөрчлөх Тайландын шинэ түүхийг бичиж байна. Нийгмийн байдал өөрчлөгдөж байгаа тул хууль ч өнөөгийн нөхцөл байдлыг даган өөрчлөгдөх цаг нь болсон." гэж нэмэлт өөрчлөлт оруулах хорооны гишүүн Плаифа Киока Шодладд лхагва гарагт парламентад мэдэгдэв.
Лхагва гарагт доод танхимаар батлагдсан гэрлэлти
йн тэгш байдлын тухай хуулийн төслийг бүх томоохон намууд дэмжсэн бөгөөд энэ нь бүс нутагтаа гей, лесби, трансжендер хүмүүст ээлтэй улсуудын нэг болох улсын нэр хүндийг бэхжүүлэхэд чухал алхам болсон юм.
Гэсэн хэдий ч ЛГБТК нийгэмлэгийн зарим гишүүдийн үзэж байгаагаар бодит байдал өөр байх аж. Тэд хууль тогтоомж нь ялгаварлан гадуурхахыг хориглодог гэж хэлдэг ч Тайландын консерватив нийгэмд гадуурхалт, тэр байтугай хүчирхийлэлтэй байнга тулгарсаар байна.
Эх сурвалж: CNN
