Оросын нэрт цэргийн блогч Андрей Морозов Украины Авдийвка хотод олон сар үргэлжилсэн дайралтынхаа үеэр Орос улс асар их хохирол амссан тухай мэдээлснээс хэдхэн хоногийн дараа амиа хорлосон гэх мэдээлэл байна.
Ням гарагт Морозов Телеграм дахь 120,000 дагагчдаа хандан бичсэн захидалдаа, Москва өнгөрсөн 10-р сард Авдиевка руу дайралт хийснээс хойш 16,000 орчим цэрэг, 300 хуягт машинаа алдсан бөгөөд ингэж байж Украины цэргүүдийг өнгөрсөн долоо хоногт зүүн хотоос ухрахад хүргэсэн гэж мэдэгджээ. Энэ бичлэг Оросын суртал ухуулагчдын хатуу шүүмжлэлд өртсөний дараа Морозов уг бичлэгийг устгахаас өөр аргагүй болсон гэж мэдэгдсэн ч хэн тушаал өгснийг тодорхой хэлээгүй байна.
Оросыг дэмжигч цэргийн блогчид болон Оросын төрийн хэвлэлүүд лхагва гарагт Морозов амиа хорлож нас барсан гэж мэдээлсэн. Түүний өмгөөлөгч, найз Максим Пашков түүнийг нас барсныг баталж, өмнөх өдөр нь Морозовтой ярьсан гэж мэдэгджээ.
Морозов лхагва гарагийн өглөө хэд хэдэн нийтлэл бичиж, амиа хорлох бодолтой байгаагаа зарлав. Тэрээр уншигчдадаа эмгэнэл илэрхийлэхгүй байхыг уриалж, өөрийгөө Бүгд Найрамдах Луганск Ард Улс (БНЛАУ)-д оршуулахыг хүссэн байна.
Эх сурвалж: CNN
