/2024.02.16/: Лхагва гарагт Канзас-Сити хотод супер цомыг тэмдэглэх жагсаалын үеэр халдлага болсны улмаас нэг хүн амиа алдаж, 20 гаруй хүн шархадсантай холбогдуулан хоёр өсвөр насны хүүхдийг саатуулсан гэж цагдаа нар мэдэгдэв.

Халдлагад өртсөн 23 хохирогчийн хэн болохыг тогтоосон бөгөөд тэдний дотор 43 настай эмэгтэй нас барсан гэж цагдаагийн дарга Стейси Грейвс мэдэгдэв. Бусад 22 хохирогч нь нас 8-47 настай хүмүүс байсан бөгөөд тал хувь нь 16-аас доош насныхан байжээ.

Уг халдлага нь ямар нэг далд утга байхгүй бөгөөд хүмүүсийн хоорондын маргаанаас үүдэлтэй байж болзошгүй байгаа аж.

Эх сурвалж: CNN