/2023.12.27/: Засгийн газрын хуралдаанаас гарсан шийдвэрийг танилцуулж байна.

Үндэсний орон сууцны санхүүжилтийн корпорацийг байгуулах болсон талаар Барилга, хот байгуулалтын сайд Ц.Даваасүрэн мэдээлэл хийлээ.

Засгийн газрын хуралдаанаар Үндэсний орон сууцны санхүүжилтийн корпорацийг байгуулхаар шийдвэрлэлээ.

Бид ипотекийн зээлийн тогтолцоог Засгийн газарт шилжүүлэх ажлыг үе шаттай хэрэгжүүлэх хүрээнд хийгдэх ажлуудын нэг нь энэхүү ажил болж байна. Энэхүү Үндэсний орон сууцны санхүүжилтийн корпораци нь одоогийн ипотекийн тогтолцооноос онцлог хэд хэдэн өөр зүйл байгаа.

Бид хэд хэдэн багц хөтөлбөрүүдийг хэрэгжүүлнэ. Мөн төрийн албан хаагч, хөдөө орон нутагт ажиллаж амьдарч байгаа иргэдэд зориулсан хөтөлбөрүүдийг хэрэгжүүлнэ. Орлого багатай иргэд ипотекийн зээлд хамардаж чадахгүй байна. Тиймээс хоёр сая төгрөгөөс доош орлоготой иргэдийг ипотекийн зээлд хамруулна. Харин санхүүжилтийг төсвөөс юм уу, өөр газраас босгоно.