/2023.12.25/: Израилын агаарын дайралтын үеэр Газын зурвасын төв хэсэгт нэг шөнийн дотор 100 гаруй хүн амь үрэгджээ.

Газын төв хэсэгт байрлах Магази дүрвэгсдийн хуаранд болсон дайралтаар 70 хүн амиа алдсан гэж Палестины Эрүүл мэндийн яам ням гарагт мэдэгдэв. Бурейж дүрвэгсдийн хуаранд болсон халдлагын улмаас амь үрэгдэгсдийн тоо 100 гаруй болжээ.

Эрүүл мэндийн яамны хэвлэлийн төлөөлөгч Ашраф аль-Кудра хэлэхдээ, Магази дүрвэгсдийн хуаранд амиа алдагсдын тоо нэмэгдэх хандлагатай. Магази хуаранд болж буй үйл явдал бол хүн олноор цугларсан орон сууцны талбайд үйлдэгдэж буй аллага юм" гэв.

“Аль-Акса Мартирс” эмнэлэгт цогцосууд бөөгнөрсөөр байна.

Халдлагын улмаас олон арван хүн шархдаж, хэд хэдэн байшин сүйдсэн гэх мэдээлэл байна. Гэр бүлүүд амьд үлдсэн хүмүүсийг хайж олохын тулд нурангийг ухаж байна.

Газын өмнөд хэсэгт орших Рафах хотоос Хани Махмуд хэлэхдээ, бөмбөг байшин, барилгууд дээр бууж, дүрвэгсдийн хуаран руу орох, гарах зам зэрэг хороолол, дэд бүтцийг сүйтгэжээ.

Аль Жазира агентлагийн Тарек Абу Аззоум Газын өмнөд хэсэгт орших Рафах хотоос мэдээлснээр Магази дүрвэгсдийн хуаран нь Газын зурвасын дундах хамгийн их хүн ам шигүү суурьшсан газруудын нэг юм.

Эх сурвалж: Aljazeera