/2023.11.23/: Сүүлийн өдрүүдэд нийслэлийн хэмжээнд гал түймрийн дуудлага мэдээлэл нэмэгдэж байна.

Өнгөрсөн хоногт байшин 5, машин шатсан 1 дуудлага бүртгэгдэж, алба хаагчид шуурхай ажиллаж унтраалаа. Цаг улирлын нөхцөл байдлаас шалтгаалж айл өрхүүдийн галлагаа нэмэгдэж байна. Энэ нь гал түймрийн тоо, хохирол нэмэгдэх эрсдэлийг дагуулж байгаа юм.

Иймд гэр хорооллын айл өрхүүд цахилгаан ашиглалт, пийшин зуух яндангийн аюулгүй байдлыг хангаж, мэргэжлийн байгууллагын зөвлөмжийг дагах, шахмал түлшийг зааврын дагуу хэрэглэж, угаар мэдрэгчийн хэвийн ажиллагааг шалгаж байхыг анхааруулж байна.

Эх сурвалж: ОБЕГ