/2023.11.23/: Хан-Уул дүүргийн 14 дүгээр хороонд оршин суух иргэн С нь шөнө дунд гэрээсээ гараад алга болсон тухай дуудлага өчигдөр өдрийн 15:10 цагт Онцгой байдлын газарт иржээ.

Дуудлагын дагуу Нийслэлийн Аврах ангийн алба хаагчид 25 км замыг туулан очиж иргэн С 38 настай, хөгжлийн бэрхшээлтэй, эрэгтэйг 16:15 цагаас эхлэн эрэн хайх ажиллагааг зохион байгуулан ажилласан байна.

Улмаар мөн өдрийн 16:44 цагт гэрээс нь зүүн зүгт 1 км зайд тус дүүргийн 14 дүгээр хороо, “Бугын-Ам” гэдэг газраас уулын бэлд цасанд дарагдсан байдалтай цогцсыг олж тус дүүргийн Цагдаагийн 2 дугаар хэлтэст хүлээлгэн өгчээ.

Эх сурвалж: ОБЕГ