/2023.10.30/: Хотын шинэ дарга, Хууль зүйн сайд асан Х.Нямбаатар өнгөрсөн амралтын өдрөөр түгжрэлийг бууруулах арга замуудын талаар танилцууллаа.
Уг танилцуулгаас гарсан хувилбаруудыг хүргэж байна.
• Улаанбаатар хотын автозамын түгжрэлийг бууруулах, гэр хорооллыг орон сууцжуулах хуулийн төслийг хэлэлцүүлнэ.
• Улаанбаатар хотод хязгааргүй орж ирж байгаа автомашины дугаар олголтыг хязгаарлана. Харин дугаартай иргэд үүнийгээ худалдаж шилжүүлж болно.
• Ирэх нэгдүгээр сарын нэгэн гэхэд нийтийн тээврээ шинэчлэнэ. 700 орчим евростандартын автобус авах тэндэр 11 сард нээнэ. Улаанбаатарчуудын 50 гаран хувь нь нийтийн тээврээр зорчдог болгоно.
• Төлбөртэй бүсийн зохицуулалт хийнэ. Баруун дөрвөн замаас Зүүн дөрвөн зөм, 32 -ын тойргоос Энхтайваны гүүр хүртэл тогтооно. Төвөөс 800 метр орчим алхах дугуй унах скүүтэр унах боломж зогсоолоор хангана.
• Метро масс тээврийн асуудлыг шийднэ. Ирэх жилээс 3 шугам бүхий метроны төслийг эхлүүлнэ. Монгол Улсын Ерөнхий сайд БНХАУ-ын талтай энэ асуудлаар яриа хэлэлцээ амжилттай эхлүүлсэн.
