/2023.10.24/: Баянзүрх дүүргийн 37 дугаар хороонд гэр шатаж байна гэсэн дуудлага өчигдөр оройн 22:57 цагт Онцгой байдлын газарт иржээ.

Дуудлагын дагуу тус дүүргийн Онцгой байдлын хэлтсийн алба хаагчид 5 км замыг туулан 23:11 цагт очиход иргэн Т-ын 5 ханатай гэр, эд хогшил бүрэн шатаж байсныг 5 минут ажиллаж унтраасан байна.

Харамсалтай нь уг гал түймэрт иргэн Т 41 настай, эрэгтэй, овог, нэр тодорхойгүй 1 иргэн, нийт 2 иргэн өртөж нас барсан байсан тул цогцсыг тус дүүргийн Цагдаагийн 3 дугаар хэлтэст шилжүүлэн өгчээ.

Эх сурвалж: ОБЕГ