/2023.10.03/: Өчигдөр орой Налайх дүүрэгт нэгэн шатахуун түгээх станцын хажууд өвс ачсан том оврын ачааны автомашин шатсан хэрэг гарчээ.

Тодруулбал, Налайх дүүргийн 1-р хороо Өвөршандад Петровис шатахуун түгээх станцын хойно 50 метр зайд өвс ачсан ачааны автомашин шатаж байна гэсэн дуудлага Онцгой байдлын газарт ирсэн байна.

Дуудлагын дагуу тус дүүргийн Онцгой байдлын хэлтсийн ГТУА 28-р ангийн 11 алба хаагч 3 нэгж техниктэй ажиллаж 21:36 цагт галын тархалтыг зогсоож, 22:55 цагт гал түймрийг бүрэн унтрааж чаджээ.

Хэрэв гал дэлгэрсэн бол шатахуун түгээх станц дэлбэрэх эрсдэл маш өндөр байсныг гал сөнөөгчид аюулгүй болгож ажилласан байна.

Эх сурвалж: ОБЕГ