/2023.09.28/: Сүүлийн долоо хоногт Бангладеш улсад 1,000 орчим хүн денгийн өвчнөөр нас барсан нь хамгийн хүнд дэгдэлт боллоо гэж эрх баригчид үзэж байна.
Албаныхан өвчний тархалтыг дарахын тулд тэмцсээр байгаа бөгөөд эмнэлгүүдийн ачаалал маш их байна.
Энэхүү өвчний шинж тэмдэг нь толгой өвдөх, дотор муухайрах, үе мөч, булчин өвдөх зэргээр илэрдэг гэв. Өвчний хүнд тохиолдолд денге нь үхэлд хүргэх дотоод цус алдалт үүсгэдэг аж.
Денге өвчин нь халуун орнуудад тархдаг бөгөөд халдвар тээгч нь шумуул тул ариун цэврийн шаардлага хангаагүй хот суурин газруудад дэгдэлт ихэвчлэн гардаг.
Уг өвчин нь тус улсад өмнө нь улирлын чанартай дэгддэг байсан боловч уур амьсгалын өөрчлөлтөөс болж халуун, усархаг бороотой үед ч тохиолдож байна.
Денге өвчнөөр өвчилсөн хүмүүсийн биеийн байдал сүүлийн хэдэн жилтэй харьцуулахад хамаагүй хурдан муудаж байгааг эмч нар тэмдэглэжээ.
Бангладеш улс шумуул үржих тохиромжтой газар үүсэхээс урьдчилан сэргийлэхийн тулд олон нийтэд сурталчлах кампанит ажил эхлүүлжээ.
ДЭМБ-ын мэдээлснээр Бангладешийн 64 дүүрэгт Денге өвчний халдвар бүртгэгдсэн байна. Денге өвчнөөр өвчилсөн олон зуун хүмүүс нийслэл Дака хотын эмнэлгүүдэд бөөгнөрөн, эмчлүүлэхээр цугларсан ч ихэнх байгууламжийн хүчин чадал хэтэрсэн байна.
Эх сурвалж: ВВС
