/2023.09.14/: Ардчилсан намын удирдлагууд орон нутагт ажиллаж бүсийн Эдийн засгийн форум хийж байгаа.
Энэ удаад Төвийн бүсийн чуулга уулзалт Дундговь аймгийн Мандалговь хотод болсон байна.
АН- ын Тэргүүн дэд дарга С.Баярцогт хэлэхдээ "Долоон жил сөрөг хүчин хийсэн намын хувьд ковид болон Орос Украйны дайны нөлөөгөөр бий болсон эдийн засгийн хямралтай харшилтай он жилүүдэд Монгол Улс цаашдаа хэрхэн хөгжих вэ? Ардчилсан нам эдийн засгийн бодлогоо хэрхэн тодорхойлох вэ? гэдэг дээр гишүүд дэмжигчдээсээ сонсож байна" гэлээ.
Эдийн засгийн форумд таван аймгийн 500 гаруй гишүүд дэмжигчид, Ардчилсан намаас сонгогдсон УИХ-ын гишүүд оролцсон гэлээ.
