/2023.08.21/: Зам, тээврийн салбарын чиглэлээр суралцагчдад сургалтын тэтгэлэг олгох сайдын нэрэмжит тэтгэлэгийн сонгон шалгаруулалтаа зарлажээ.
Тэтгэлгийн зорилго:
- Зам, тээврийн салбарын мэргэжлээр суралцагчдыг нэмэгдүүлэх
- Салбарын мэргэжлээр суралцагч оюутнуудаа хөгжүүлэх
- Залуу үеэ дэмжин урамшуулж, салбарын хүний нөөцөө бодлогоор дэмжих
Тэтгэлгийн хэмжээ:
Жил бүр сургалтын тэтгэлэг авах эрх үүссэн 100 хүртэлх оюутанд тус бүр 2.000.000 /хоёр сая/ төгрөгийн тэтгэлэг олгоно.
Тэтгэлэгт хамрагдах хүсэлтэй суралцагч нь:
- Сүүлийн 2 улирал 3.2 болон түүнээс дээш голч оноотой үнэлэгдсэн байх;
- Зохион бүтээсэн багаж төхөөрөмж, эрдэм шинжилгээний илтгэл нь уралдаан тэмцээнд шалгарсан бол давуу тал болно.
Та бүхэн digital.mrtd.gov.mn цахим хуудаснаас дэлгэрэнгүй мэдээлэлтэй танилцаж 2023 оны наймдугаар сарын 21-ний өдрөөс есдүгээр сарын 10-ны өдрийн 17.00 цаг хүртэл холбогдох материалаа цахимаар ирүүлээрэй.
Тэтгэлгийн талаарх мэдээллийг ажлын өдрүүдэд 14.00-17.00 цагийн хооронд 51-263171 дугаар утсаар холбогдон авах боломжтой.
Эх сурвалж: ЗТХЯ
