/2022.08.09/: Хоёр хоног үргэлжлэн орж буй хүчтэй аадар борооны улмаас Сөүл хотод долоон хүн амиа алдаж, зургаан хүн сураггүй алга болжээ.
Сөүл ихэнх хэсэг үерт автаж, төрөл бүрийн осол аваар гарч, газар хөрсний суулт үүсч, цахилгаан тасарсан байна.
Сөүлийн Гванак-гуд нэгэн ажилтан шуурганд унасан модыг цэвэрлэж байгаад амиа алджээ. Үхлийн шалтгааныг цахилгаанд цохиулсан гэж үзэж байна.
Сөүлийн Дунжак-гу хотод аадар бороо орсны улмаас нэг хүн байшинтайгаа живж амиа алдсан байна. Кёнги мужийн Гванжу хотод нурсан автобусны зогсоолын доороос нэг хүний цогцос олдсон бол нэг хүн замын хажууд үүссэн хөрсний гулгалтаас болж амиа алдсан байна.
Борооны ус метроны буудлууд болон замуудыг усанд автуулсан бөгөөд үерийн ус улам ихсэж галт тэрэгнүүд хот даяар зогссон байна.
Үерийн улмаас зогсоод байсан метроны зарим шугамууд өнөөдөр өглөөнөөс эхлэн ажиллаж эхэлсэн байна.
Солонгос улсад энэхүү хүчтэй бороо цаашид ч орохоор байна.
Эх сурвалж: Koreaherald
