/2023.6.7/ Засгийн газрын ээлжит хуралдаанаар зарим аймгийн 100 жилийн ойг тэмдэглэх зөвшөөрлийг олголоо.

Ардын Засгийн газрын 1923 оны шийдвэрээр Цэцэрлэг Мандал уулын аймаг, Богд хан уулын аймаг, Хантайшир уулын аймаг, Хан Хэнтий уулын аймаг байгуулагдсаны 100 жилийн ойн баяр наадмыг хийнэ.

• Архангай, Төв, Завхан, Хэнтий аймагт 2023 оны долдугаар сарын 27, 28-нд,
• Говь-Алтай аймагт Хантайшир уулын аймаг байгуулагдсаны 100 жилийн ойн баяр наадмыг наймдугаар сарын 01, 02-нд тус тус тэмдэглэнэ.

Хурдан морины бүсийн уралдааныг аймаг байгуулагдсаны ойн баяр наадамтай хамтатган зохион байгуулна.

Мөн аймгийн Засаг дарга нараас ирүүлсэн саналыг үндэслэн:

• Говьсүмбэр аймгийн баяр наадмыг 2023 оны долдугаар сарын 06, 07,
• Булган аймгийн баяр наадмыг тус сарын 08, 09,
• Дорноговь аймгийн баяр наадмыг 27, 28-нд тус тус тэмдэглэхийг зөвшөөрлөө.