/2022.8.5/ Хятад улсад загвар өмсөгч бүсгүй 18 эрийг "Гэрлэнэ" гэж хууран мэхлээд 2 сая юань залилсан тул Шанхай хотын цагдаагаас баривчилжээ.
Сонирхолтой нь, бүсгүй өөрөө 29 настай бөгөөд гэрлэсэн, хоёр настай хүүхэдтэй хүн байжээ.
Шанхайн телевизийн өгүүлж буйгаар 2017 оноос "ажлаа" эхэлсэн загвар өмсөгч бүсгүй зарим үед 18 эртэй зэрэг болзох үе ч байжээ.
Өөрийгөө Ву хэмээн нэрлэсэн бүсгүй эрчүүдтэй гэрлэнэ гэж үерхээд, бүр хуримын өмнөх гэрэл зураг хүртэл авахуулдаг байна. Зарим эрчүүд нь онлайнаар түүнтэй чаатлахдаа "Эхнэр" хэмээн нэрлэдэг байжээ. Өөрийн дэгээнд орсон гэдгийг нь мэдмэгцээ Ву мөнгө авч эхэлнэ.
Мөнгө авах шалтгаанаа янз бүрээр тайлбарладаг байсан бөгөөд "Аав маань хорт хавдрын сүүл үедээ очсон, ах маань бидэнд байр авч өгөх гэж байгаа гэтэл мөнгө дутсан, ах маань шоронд байгаа" гэх мэтээр өгүүлдэг байж.
Ингээд болзоот эрчүүд нь түүнд шаардлагатай мөнгийг нь өгөхийн тулд зээл авч, зарим нь бүр өөрийн орон байраа хүртэл зарсан байжээ.
Эх сурвалж: SMCP
