/2022.08.05/ Нийслэлийн Засаг даргын Тамгын газар, Нийслэлийн Аялал жуулчлалын газар, Монголын Бурхан Шашинтны Төв Гандантэгчэнлин хийд хамтран даншиг наадмыг зохион байгуулах гэж байгаа билээ.
Тодруулбал, “Даншиг наадам-Хүрээ цам 2022” шашин соёлын наадмыг энэ сарын 6, 7-ны өдөр Хүй долоон худагт зохион байгуулах юм. Жил болгоны наймдугаар сарын эхний долоо хоногийн амралтын өдрүүдэд зохиогддог тус арга хэмжээний үеэр лам нарын дунд ном хаялцах, мэтгэлцэх, балин тосон урлалын тэмцээн зохиогддог ба цам харайх, маань татах, Соёмбот туг залах, шашны сүлд дуулал эгшиглүүлэх, шашин соёлын үзэсгэлэн худалдаа зэрэг олоной арга хэмжээнүүд болдог.
“Даншиг наадам-Хүрээ цам 2022”-ын шинэчлэгдсэн хөтөлбөрийг танилцуулж байна.
